ليش إترشحنا للكنيست؟  لأنه  عم منخسر مستقبلنا ، وبدنا  نستعيده!

​

هاد المكان  هو بيتنا كلنا - يهود وعرب اللي بحبوا هاي البلد، رافضين يتخلّوا عنها، ومآمنين انه لكلنا مكان فيها.

​

ولكن   المكان   في  خطر - خطر الاحتلال والحرب الابدية، خطر الجريمة اللتي  أصبحت  مستشرية والعنف اللي جاي بشكل مباشر من الحكومة وخطر الإهمال واللامبالاة بمعاناتنا وهمومنا اليومية.

​

دايمًا بحاولوا يقنعونا إنه "هيك الوضع". إنه اليهود لازم يكونوا بجهة والعرب بجهة ثانية. وإنه "الأمن" يعني مزيد من العنف. وإنه أحسن نصرف مليارات على المستوطنات والحروب بدل ما نستثمرها ببلادنا٫ تعليمنا وصحتنا.

​

بس إحنا منعرف إن مستقبل هالبلاد مشترك، وإن السلام هو اللي بجيب الأمن، وإن المساواة الكاملة بتقوّي مجتمعنا وبتقدّمه، وإن العدالة الاجتماعية حق أساسي إلنا كلنا.

​

عشان هيك أسسنا "لكِّلنا مكان" - حزب عربي يهودي يعتمد على المساواة والشراكة الكاملة.

​

تعالوا نرجّع الأمل. تعالوا نعمل هون "لكِّلنا مكان"